عَــأأزِفـ جُـروحِـي
الرئيسية
❤عَأأزِف جروحي❤
أحدث الصور
التسجيل
دخول
البنات كتير منهم بيقعد على النت
بس اكتشفت ان البنات انواع
ازاى وانواعهم ايه
تعالوا نشوف ه ومحدش يزعل
ندخل بقى فى المهم
العاقله!!
لما تفتح متكلمش حد.. تستني الكل يرحب بيها وهي تبتسم وتقول ..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.
((دول بقى نادرين اوى بعيد عنكم يعنى وابتديت بيهم علشان يبقى بنعترف بالكويسين الاول))
بتاعت مصلحتها
متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني
لمهم انها بتقنعك وبتاكل عقلك بكلمتين حلوين وانت ولا انت هنا
((هه خلينى ساكت احسن كل واحد عارف نفسوا ))
الرسميـة!!
ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. اورجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههه
((دول بقى تلاقيهم فى حياتهم كدة اساسا لكن بردوا لازم ننتقدهم اومال هاعمل حملة انا وفامبير ع الفاضى يعنى))
المجنونه!!
دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههه
((ه انا قولت كل واحد ادرى بنفسوا جبتش انا حاجة من عندى))
الغلسه!!
تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههه.
((اظاهر ان بعد الهجوم دة البنات هاينقرضوا ههه))
البطــــة!!
طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.
((اقل موقف دة ممكن يكون فى المطبخ على انغام البصل هه))
البريئــة!!
عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك
((ههه دى بقى تعرفها ولا تتبناها مش عارف انا ههه ))
الكذابة الهابلة
اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول
الرد بيكون هوالشتايم
ه
تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه..
((ههه جبتش انا حاجة من عندى الراجل دة بيقول كلام زى الفل))
ذات العلاقات المتعدده .... شنكوته يعنى
ودي بقي ربنا يكون في عونك لما تقابلها علي النت
تبقي بتكلمك وبتكلم ادك انت وعيلتك
يعني ييجي 30 او 40 واحد في نفس الوقت وتقولك واحشني موت انا داخله مخصوص عشان اكلمك انت يا اوحي يا اوحي.......الهي تطلع اوحك ياشيخه
وتسرح بكل اللي بتكلمهم وتستهبل وتلعب بمشاعر واحاسيس الشباب وبعد ماتقفل معاهم تقعد مبسوطه اوي من اللي عملته ويمكن تسقف لنفسها كمان علي دور البطوله في الفيلم الهندي اللي كانت بتمثله علي كل الشباب اللي عندها في المسنجر...
((اظاهر عصام كاريكا هو اللى كان عامل التوبيك ...شنكوتة دى بتاعتوا ههه))
طبعا ياجماعة الحكاية كلها هزار فى هزار
بس مش هزار اوى يعنى
